Grýtubakkahreppur

Grýtubakkahreppur er um 400 manna sveitarfélag við austanverðan Eyjafjörð. Hreppurinn rekur m.a. grunnskóla, leikskóla, slökkvilið, áhaldahús, veitur og hjúkrunarheimili.

About

Grenivíkurskóli auglýsir eftir kennara

Grenivíkurskóli leitar að metnaðarfullum, sjálfstæðum og drífandi kennara með brennandi áhuga á skólastarfi. Um er að ræða tímabundna 60-100% stöðu kennara á unglingastigi fram að áramótum. Æskilegt er að viðkomandi geti hafið störf sem fyrst.

Laun eru greidd samkvæmt kjarasamningi Félags grunnskólakennara og Sambands íslenskra sveitarfélaga.

Menntunar- og hæfniskröfur

Leyfi til að nota starfsheitið kennari.
Haldgóð þekking á kennslufræði og hæfni til að beita fjölbreyttum kennsluháttum.
Lipurð í samskiptum, sveigjanleiki, jákvæðni og rík þjónustulund.
Skipulögð vinnubrögð, sjálfstæði og frumkvæði.
Faglegur metnaður.
Færni í að vinna í teymum og að fjölbreyttum verkefnum.

· Gerð er krafa um vammleysi, gott orðspor og framkomu.

Í Grenivíkurskóla eru 43 nemendur í 1. – 10. bekk. Í skólanum er góður starfsandi og þar er leitast við að haga skólastarfinu í sem fyllsta samræmi við eðli og þarfir nemenda og stuðla að alhliða þroska hvers og eins. Meðal þess sem við leggjum ríka áherslu á er góður skólabragur, teymiskennsla, lýðheilsa og umhverfismennt.

Nánari upplýsingar um skólann má finna á www.grenivikurskoli.is

Umsóknarfrestur er til 30. október. Umsókn um starfið skal fylgja skrá yfir menntun og starfsferil og afrit af leyfisbréfi. Áhugasamir einstaklingar, án tillits til kyns, eru hvattir til að sækja um.

Umsóknir skal senda í tölvupósti á netfangið [email protected]. Öllum umsóknum verður svarað.

Frekari upplýsingar gefur Aníta Jónsdóttir, skólastjóri, í síma 772-7300 eða í tölvupósti [email protected]

Advertisement published16. October 2026

Application deadline30. October 2026

Language skills