Reykjanesbær

Reykjanesbær er fjölskylduvænn bær sem þroskar og nærir hæfileika allra í gegnum öflugt skóla-, íþrótta-, og menningarstarf. Íbúar sinna fjölbreyttum störfum í vistvænu fjölmenningarsamfélagi sem einkennist af framsækni, eldmóði og virðingu. Reykjanesbær hefur að markmiði að hafa ávallt á að skipa hæfum og ánægðum starfsmönnum sem geta sýnt frumkvæði í störfum sínum og veitt bæjarbúum framúrskarandi þjónustu. Það er sameiginlegt verkefni starfsmanna og stjórnenda sveitarfélagsins að veita bæjarbúum sem allra besta þjónustu og sú samvinna byggir á gagnkvæmu trausti og virðingu fyrir ólíkum sjónarmiðum.

About

Frístundaleiðbeinendur í félagsmiðstöðvar Reykjanesbæjar

Langar þig að starfa í lifandi og skemmtilegu umhverfi þar sem áhersla er lögð á þátttöku, vellíðan og jákvæð samskipti ungmenna?

Félagsmiðstöðvar Reykjanesbæjar leita að öflugum og áhugasömum frístundaleiðbeinendum til starfa. Um er að ræða störf í 20–50% starfshlutfalli, að mestu leyti síðdegis og á kvöldin. Starfið hentar vel með námi eða annarri vinnu.

Í félagsmiðstöðvum Reykjanesbæjar er lögð áhersla á faglegt og metnaðarfullt tómstundastarf fyrir ungmenni í 5.–10. bekk með það að markmiði að skapa öruggt, skemmtilegt og hvetjandi umhverfi.

Gildi Reykjanesbæjar eru virðing, eldmóður og framsækni og mikilvægt er að starfsfólk endurspegli þau í sínum störfum.

Helstu verkefni og ábyrgð

Leiðbeina og styðja ungmenni í daglegu starfi félagsmiðstöðvar
Skipuleggja og taka þátt í fjölbreyttu hópastarfi, viðburðum og verkefnum
Skapa jákvætt, öruggt og hvetjandi umhverfi
Efla þátttöku, félagsfærni og virk samskipti ungmenna
Taka þátt í þróun starfsins og samstarfi við annað starfsfólk
Samskipti við forsjáraðila eftir þörfum

Menntunar- og hæfniskröfur

Reynsla af félagsmiðstöðva-, íþrótta- eða tómstundastarfi
Menntun sem nýtist í starfi, t.d. tómstunda- og félagsmálafræði, uppeldisfræði eða sambærilegt
Reynsla af skipulagningu hópastarfs, viðburða eða verkefna
Námskeið eða þjálfun sem tengist ungmennastarfi
Góð tölvufærni og vilji til að tileinka sér nýja tækni
Hæfni í mannlegum samskiptum og jákvætt viðmót
Frumkvæði, ábyrgð og sjálfstæð vinnubrögð
Hæfni til að skapa öruggt og jákvætt umhverfi fyrir ungmenni
Góð íslenskukunnátta, bæði í töluðu og rituðu máli
Tungumálakunnátta umfram íslensku kostur
Hreint sakavottorð skilyrði

Fríðindi í starfi

Bókasafnskort
Gjaldfrjáls aðgangur að menningarhúsum
Gjaldfrjáls aðgangur í sund
Gjaldfrjáls aðgangur í strætó

Um er að ræða 20–50% störf og er æskilegt að viðkomandi geti hafið störf í ágúst 2026 eða eftir samkomulagi. Ráðið er í starfið frá og með 24.08.26.

Launakjör eru í samræmi við samning Sambands íslenskra sveitarfélaga og viðeigandi stéttarfélags.

Sótt er um á vef Reykjanesbæjar, www.reykjanesbaer.is, undir Laus störf. Umsóknum skal fylgja ferilskrá ásamt kynningarbréfi með rökstuðningi um hæfni viðkomandi í starfið, ásamt upplýsingum um umsagnaraðila. Öllum umsóknum verður svarað.

Áhugasamir einstaklingar, án tillits til kyns, eru hvattir til að sækja um.

Upplýsingar veitir Gunnhildur Gunnarsdóttir, netfang [email protected] S. 420-3217

Advertisement published1. June 2026

Application deadline8. June 2026

Language skills