Seðlabanki Íslands

Seðlabanki Íslands er sjálfstæð stofnun í eigu ríkisins sem heyrir undir forsætisráðherra. Markmið bankans er að stuðla að stöðugu verðlagi, fjármálastöðugleika og traustri og öruggri fjármálastarfsemi. Þá skal bankinn sinna viðfangsefnum sem samrýmast hlutverki hans sem seðlabanka, svo sem að varðveita gjaldeyrisforða og stuðla að virku og öruggu fjármálakerfi. Hjá Seðlabankanum starfar öflug liðsheild og leggur bankinn ríka áherslu á metnaðarfullt og hvetjandi starfsumhverfi sem einkennist af trausti, fagmennsku, þekkingu og framsækni.

About

Ert þú lögfræðingurinn sem við leitum að?

SEÐLABANKI ÍSLANDS óskar eftir að ráða lögfræðing í deild lögfræðiþjónustu og regluvörslu á skrifstofu bankastjóra.
Skrifstofa bankastjóra hefur miðlæga yfirsýn yfir málefni, rekstur og starfsemi bankans, styður við störf bankaráðs og nefnda bankans auk seðlabankastjóra og varaseðlabankastjóra. Skrifstofan ber ábyrgð á þjónustu við framangreinda aðila og ber jafnframt ábyrgð á stjórnsýslu bankans, reglusetningu, samningagerð og lögfræðistörfum sem ekki eru unnin á öðrum sviðum bankans. Þá annast skrifstofa bankastjóra samskipti við Alþingi, ráðuneyti og stjórnvöld auk þess að hafa fyrirsvar vegna dómsmála og annars ágreinings sem Seðlabankinn er aðili að.

Helstu verkefni og ábyrgð

Lögfræðiráðgjöf við seðlabankastjóra, varaseðlabankastjóra, nefndir og svið Seðlabankans.
Úrlausn fjölbreyttra verkefna á skrifstofu seðlabankastjóra, þ.m.t. samningagerð, gerð innri reglna, ritun umsagna við lagafrumvörp og stjórnsýslumál.
Samskipti við önnur stjórnvöld.
Þátttaka í innra starfi Seðlabankans og innlendu og erlendu samstarfi.

Menntunar- og hæfniskröfur

Grunn- og meistaranám eða embættispróf í lögfræði.
Reynsla af lögfræðilegri ráðgjöf, s.s. varðandi samningagerð og yfirlestur samninga, ritun minnisblaða og álita og svörun erinda.
Þekking á fjármunarétti og löggjöf á fjármálamarkaði.
Þekking á stjórnsýslurétti er kostur.
Reynsla af verkefnastýringu er kostur.
Reynsla af starfi hjá fjármálafyrirtæki eða lögmennsku fyrir fjármálafyrirtæki er kostur.
Lipurð í mannlegum samskiptum og hæfni til að vinna með öðrum.
Frumkvæði, öguð vinnubrögð, ábyrgð, sjálfstæði og metnaður í starfi.
Hæfni til að tjá sig í ræðu og riti á íslensku og ensku.

Nánari upplýsingar um starfið veita Ragnar Árni Sigurðarson forstöðumaður lögfræðiþjónustu og regluvörslu ([email protected]) og Telma Ýr Unnsteinsdóttir mannauðsráðgjafi á sviði mannauðs og menningar ([email protected]). Umsóknarfrestur er til og með 26. maí.

Um er að ræða 100% starfshlutfall með starfsstöð í Reykjavík. Sótt er um starfið á heimasíðu Seðlabanka Íslands, www.sedlabanki.is/storf. Með umsókn þarf að fylgja ferilskrá og kynningarbréf þar sem gerð er grein fyrir ástæðu umsóknar og hæfni viðkomandi til að gegna starfinu rökstudd.

Við ráðningar í störf hjá Seðlabanka Íslands er tekið mið af jafnréttisstefnu og jafnréttisáætlun bankans og er fólk af öllum kynjum hvatt til að sækja um. Laun greiðast samkvæmt kjarasamningi samtaka starfsmanna fjármálafyrirtækja. Umsóknir gilda í sex mánuði og öllum umsóknum verður svarað þegar ákvörðun um ráðningu hefur verið tekin. Vakin er athygli umsækjenda á því að um ráðningarferlið gilda m.a. stjórnsýslulög nr. 37/1993, upplýsingalög nr. 140/2012 og lög um réttindi og skyldur starfsmanna ríkisins nr. 70/1996.

Advertisement published9. May 2025

Application deadline26. May 2025

Language skills