Brúarásskóli

Brúarásskóli er samrekinn grunn- og leikskóli í Jökulsárhlíð á Fljótsdalshéraði. Í skólanum er lögð áhersla á samþættingu námsgreina í gegnum fjölbreytt þemaverkefni sem dreifast yfir veturinn. Mikið er lagt upp úr tjáningu og framsetningu verkefna sem nemendur ljúka. Verkgreinum er gert hátt undir höfði í skólanum og boðið upp á fjölbreyttar valgreinar fyrir nemendur í 6.-10 bekk. Skólinn leggur auk þess ríka áherslu á útivist og hreyfingu en góður íþróttasalur er í skólanum og auk þess sparkvöllur og ærslabelgur sem nýtast nemendum vel.

About

Deildarstjóri og leikskólakennari óskast til starfa við Brúarásskóla

Auglýst er eftir deildarstjóra og leikskólakennara næsta skólaár við Brúarásskóla. Starfshlutfall er að lágmarki 85% en möguleiki er á hærra stöðuhlutfalli.

Brúarásskóli er samrekinn grunn- og leikskóli í Jökulsárhlíð á Fljótsdalshéraði. Í leikskólanum er lögð áhersla á faglegt starf, útivist og hreyfingu.

Ef ekki fást kennarar í störfin verður skoðað að ráða aðila með aðra uppeldismenntun eða leiðbeinanda.

Helstu verkefni og ábyrgð

Vinna að uppeldi og menntun barna samkvæmt starfslýsingu.
Taka virkan þátt í mótun skólastarfsins með velferð nemenda að leiðarljósi.
Önnur tilfallandi verkefni sem falla til í leikskólastarfi.

Menntunar- og hæfniskröfur

Leikskólakennaramenntun eða leyfisbréf kennara, eða sambærileg uppeldismenntun sem getur nýst í starfi leikskóla.
Áhugi á að starfa með börnum.
Góð hæfni til samvinnu með börnum og fullorðnum.
Frumkvæði og sjálfstæði í vinnubrögðum.
Sveigjanleiki, áreiðanleiki og stundvísi.
Mjög góð íslenskukunnátta
Hreint sakavottorð

Fríðindi í starfi

Möguleiki er að leigja íbúðarhúsnæði á staðnum af sveitarfélaginu Múlaþingi.

Launakjör eru samkvæmt kjarasamningum sveitarfélagsins og viðkomandi stéttarfélags.

Öllum umsóknum skal fylgja yfirlit yfir nám og/eða fyrri störf og kynningarbréf. Einungis er tekið við rafrænum umsóknum í gegnum ráðningavef sveitarfélagsins hjá Alfreð.

Nánari upplýsingar veitir Ásgrímur Ingi Arngrímsson í síma 4700 626/865 0800 eða á netfanginu [email protected]

Þeir sem ráðnir eru til starfa á fjölskyldusviði Múlaþings þurfa að veita heimild til að leitað sé upplýsinga úr sakaskrá hjá Ríkissaksóknara.

Tekið er mið af jafnréttisáætlun Múlaþings við allar ráðningar hjá sveitafélaginu. Vinnustaðir Múlaþings eru reyklausir og fjölskylduvænir.

Umsækjendum er bent á að kynna sér fræðslubréf um vinnslu Múlaþings á persónuupplýsingum starfsumsækjenda, sem finna má á heimasíðu sveitarfélagsins www.mulathing.is

Advertisement published1. April 2026

Application deadline15. April 2026

Language skills