Bílstjóri á dagrútu DHL í Garðabæ

DHL Express Iceland ehf óskar eftir að ráða bílstjóra í 100% starfi í bílstjórateymi fyrirtækisins á starfsstöð að Miðhrauni 2, 210 Garðabæ.

Vinnutíminn er alla virka daga frá kl. 09:30 til 17:30 mánudaga til fimmtudags og á föstudögum frá kl. 09:30 til 16:45. Vinnutíminn breytist á haustin og verður 10:00 til 18:00 mánudaga til fimmtudags og á föstudögum frá 10:00 til 17:15.

Leitað er að metnaðarfullum, árangurdrifnum og sjálfstæðum einstakling með ríka þjónustulund sem er reiðubúinn að takast á við krefjandi verkefni í fjölbreyttu alþjóðlegu starfsumhverfi.

Helstu verkefni og ábyrgð:

• Afhenda og sækja sendingar til viðskiptavina
• Umsýsla og vinnsla með sendingar fyrir flutning
• Samskipti við viðskiptavini og samstarfsmenn í öðrum deildum
• Þátttaka í öðrum verkefnum innan deildarinnar

Menntunar- og hæfniskröfur:

• Lipurð í samskiptum og góð þjónustulund
• Nákvæm og skipulögð vinnubrögð
• Góð Íslensku- og enskukunnátta
• Gild ökuréttindi eru skilyrði fyrir ráðningu
• Hreint sakavottorð er skilyrði fyrir ráðningu

Fríðindi í starfi:

• Fæðisdagpeningar
• Árlegur lýðheilsustyrkur
• Merktur fatnaður

Við hvetjum öll sem uppfylla hæfniskröfur til að sækja um, óháð kyni og uppruna.

DHL Express á Íslandi er hluti af alþjóðlegri samsteypu Deutsche Post DHL sem starfar í 220 löndum og landsvæðum. DHL er alþjóðlegasta flutningarfyrirtækið í heiminum í dag og þjónustan byggist á hraðsendingum og fraktflutningum á milli landa og heimsálfa.

Á Íslandi erum við stolt af því að vera viðurkennd sem Framúrskarandi Fyrirtæki ásamt því að vera í topp sætum í Great Place To Work yfir bestu fyrirtæki ársins hér á landi. DHL Express á Íslandi samanstendur af fjölbreyttum hóp 110 alþjóðlegra sérfræðinga sem vinna markvisst við það að tengja saman fólk um allan heim.