Háskólinn á Bifröst

Háskólinn á Bifröst hefur í meira en hálfa öld menntað fólk til áhrifa og ábyrgðar í íslensku samfélagi. Háskólinn leggur áherslu á samþættingu fræða og framkvæmdar og hefur verið leiðandi hér á landi í uppbyggingu og þróun stafrænnnar menntunar á háskólastigi.

About

Akademískt staða við lagadeild

Háskólinn á Bifröst auglýsir akademíska stöðu við lagardeild háskólans. Til greina kemur að ráða í hlutastöðu sem og fulla stöðu. Við leitum að einstaklingi með metnað og áhuga á að taka virkan þátt í þróun kennslu og rannsókna við deildina.

Háskólinn á Bifröst leggur áherslu á samþættingu fræða og framkvæmdar í kennslu og er leiðandi í þróun stafræns fjarnáms á háskólastigi hér á landi. Starfsstöðvar háskólans eru í Reykjavík og á Hvanneyri.

Helstu verkefni og ábyrgð

Kennsla á fræðasviðinu
Leiðbeina í lokaritgerðum
Rannsóknir, fræðastörf á fræðasviðinu og umsóknir í rannsóknarsjóði, jafnt innlenda sem erlenda
Þátttaka í samfélagslegri umræðu á fræðasviðinu
Þátttaka í stefnumótun og stjórnun

Menntunar- og hæfniskröfur

Framhaldsmenntun á fræðasviðinu, doktorspróf er æskilegt
Kennslureynsla á háskólastigi
Rannsóknareynsla
Reynsla af uppbyggingu og mótun námskeiða er kostur
Reynsla af stjórnun á háskólastigi er kostur
Góð reynsla og tengsl innan atvinnulífs
Hæfni í mannlegum samskiptum og þjónustulund
Leiðtoga- og skipulagsfærni
Mjög góð færni í íslensku og ensku, í ræðu og riti

Með umsókn fylgi ferilskrá yfir nám, störf og rannsóknir þar sem kennslu- og rannsóknarreynsla er m.a. útlistuð, afrit af útskriftarskírteinum ásamt stuttu kynningarbréfi. Í kynningarbréfi komi fram áhugasvið, sýn, nálgun og áherslur umsækjanda í kennslu og rannsóknum.

Tekið verður tillit til þarfa og áherslna lagadeildar og hve vel umsækjendur falla að þeim. Starfsheiti verður ákvarðað út frá hæfismati.

Umsóknarfrestur er til og með 18.01.2026 og umsóknir skulu berast í gegnum alfred.is.

Nánari upplýsingar veita Dr. Haukur Logi Karlsson, deildarforseti lagadeildar, [email protected] og Heiður Ósk Pétursdóttir, mannauðsstjóri, [email protected].

Miðað er við ráðningu frá og með 1. mars 2026 eða samkvæmt nánara samkomulagi. Við hvetjum alla einstaklinga, óháð kyni, til þess að sækja um. Farið verður með allar umsóknir sem trúnaðarmál og verður þeim svarað að ráðningu lokinni.

Advertisement published19. December 2025

Application deadline18. January 2026

Language skills