Orkuveitan

Orkuveitan styður vaxandi samfélög, heimili og atvinnulíf með nýsköpun í orku, veitustarfsemi og kolefnisbindingu. Hjá Orkuveitunni leggjum við áherslu á að vinna með fólki með fjölbreyttan bakgrunn sem býr yfir eða hefur vilja til að byggja upp þá hæfni sem hentar verkefnum hverju sinni. Við tökum forystu í verkefnum og hjá okkur ríkir jákvæður starfsandi. Við tryggjum góðan aðbúnað, sveigjanleika og sköpum starfsfólki aðstæður til að samræma kröfur vinnu og annarra þátta lífsins. Við nýtum okkur tækni í starfsumhverfi og starfsfólk nýtur jafnréttis. Saman erum við lipur, lærdómsfús og óhrædd að prófa nýja hluti til að skapa eftirtektarverðar lausnir og ná hámarks árangri fyrir viðskiptavini og samfélagið.

About

Aðalbókari Carbfix

Við leitum að metnaðarfullri og lausnamiðaðri manneskju í stöðu aðalbókara Carbfix. Starfið krefst yfirgripsmikillar reynslu í reikningshaldi, uppgjörum og gerð ársreikninga og veitir einstakt tækifæri til að hafa áhrif á vöxt og þróun fyrirtækis í fremstu röð á sviði kolefnisbindingar.

Aðalbókari gegnir lykilhlutverki í að tryggja rétta og faglega meðhöndlun fjármála Carbfix og tengdra eininga (Coda Terminal og Carbfix USA) ásamt því að tryggja að starfsemin uppfylli sett lög, reglur og staðla.

Um er að ræða starf í teymi Reikningshalds Orkuveitunnar, en með skýra ábyrgð á fjárhagslegum þáttum Carbfix.

Helstu verkefni og ábyrgð

Yfirumsjón og ábyrgð á fjárhags- og verkbókhaldi Carbfix
Uppgjör og kynningar á mánaðar-, ársfjórðungs- og ársgrundvelli.
Yfirsýn yfir reikningsskil og samræmi við lög, reglur og alþjóðlega reikningsskilastaðla (IFRS).
Samskipti við endurskoðendur, skattayfirvöld og erlenda samstarfsaðila.
Þátttaka í þróun ferla og verklags, m.a. skýrslugerð og gagnavinnslu.

Menntunar- og hæfniskröfur

Yfirgripsmikil reynsla af fjárhagsbókhaldi og uppgjörsvinnu, helst í alþjóðlegu umhverfi.
Þekking á fjárhags- og verkbókhaldi.
Góð færni í fjármálahugbúnaði, sérstaklega Business Central og Excel.
Þekking á innleiðingu ferla og stafrænni umbreytingu er æskileg.
Mjög góð færni í íslensku og ensku, bæði í rituðu og töluðu máli.
Skipulagshæfni, sjálfstæði í vinnubrögðum og hæfni í samskiptum við ólíka hagsmunaaðila.
Lausnamiðuð og heildræn nálgun, ásamt faglegum metnaði og vilja til umbóta.
Háskólamenntun í viðskiptafræði, reikningshaldi eða tengdu sviði.

Carbfix hefur allt frá árinu 2012 fangað CO2 frá Hellisheiðarvirkjun og dælt því ofan í basaltjarðlög þar sem það umbreytist í stein með náttúrulegum ferlum. Hefur sú aðferð til varanlegrar og öruggrar kolefnisförgunar vakið heimsathygli. Á meðal nýrra verkefna Carbfix er Coda Terminal, fyrirhuguð móttöku- og geymslustöð, sem ætlað er að binda allt að 3 milljónum tonna af CO2 á ári í berg á varanlegan, hagkvæman og umhverfisvænan hátt.

Smelltu hér til að kynnast ferðalagi Carbfix betur!

Hvers vegna Orkuveitan?

Orkuveitan samanstendur af móðurfélaginu og fjórum dótturfélögum, Orku náttúrunnar, Veitum, Ljósleiðaranum og Carbfix og hefur það hlutverk að styðja vaxandi samfélag, heimili og atvinnulíf með nýsköpun í orku, veitustarfsemi og kolefnisbindingu. Við erum aflvaki sjálfbærrar framtíðar.

Með því að nýta orku náttúrunnar, skapandi orku mannlífsins og frumkvöðlaorku starfseminnar skipar Orkuveitan sér í fremstu röð við að knýja áfram samfélög með sjálfbærum hætti. Við njótum öll ávinningsins.

Smelltu hér til að kynna þér Orkuveituna sem vinnustað

Rannsóknir hafa sýnt að fjölbreytileiki leiðir til betri árangurs og við hvetjum öll sem uppfylla grundvallarskilyrði starfsins og hafa ástríðu til að vinna hjá Orkuveitunni til að sækja um, óháð því hvort þau haki í öll boxin.

Umsóknarfrestur er til og með 20.júní

Nánari upplýsingar veitir Bryndís María Leifsdóttir forstöðumaður reiknishalds; [email protected]

Advertisement published6. June 2025

Application deadline20. June 2025

Language skills