Fjallaskóli Íslands

Landvarðanámskeið

Fjallaskólinn kennir námskeið í landvörslu á vorönn 2027 og hljóta þau sem standast námskeiðið landvarðaréttindi frá Náttúruverndarstofnun. Námskeiðið fer fram í Öræfum, umhverfis Skaftafell og Jökulsárlón.

Námskeiðið skiptist í bóklegan hluta yfir önnina og vettvangshluta. Vettvangshluti námskeiðsins fer fram 13.-16. apríl 2027 í Skaftafelli, Öræfum. Bóklegi hluti námskeiðsins hefst 11. janúar á netinu og lýkur 23.mars.

Námskeiðið miðar að því að undirbúa þátttakendur undir fjölbreytt störf landvarða en landvarðanámskeið Fjallaskólans byggir á námskrá Náttúruverndarstofnunnar um landvarðanám. Námið spannar 110 kennslustundir og er blanda af fjarnámi og staðnámi.

Viðfangsefni námskeiðsins eru meðal annars:

Náttúrutúlkun og fræðsla
Stjórnsýsla í náttúruvernd
Loftslags- og jöklabreytingar
Samskiptafærni
Öryggismál í landvörslu
Verkleg vinnubrögð landvarða

Námskeiðið er kennt á íslensku en öll sem geta stundað nám á íslensku eru hvött til að sækja um. Nemendum er frjálst að skila heimaverkefnum á íslensku eða ensku og ekki er gerð krafa um að nemendur geti tjáð sig á íslensku.

Íris Ragnarsdóttir Pedersen er umsjónarkennari námskeiðsins en fjöldi sérfræðinga í náttúruvernd og landverðir koma að bæði verklegri og bóklegri kennslu á námskeiðinu.

Skráning á námskeiðið er opin til 15. desember og er fólk tekið inn jafnóðum standist það forkröfur inn á námskeiðið. Það eru takmörkuð pláss í boði og hafa færri komist að en vilja á fyrri námskeið.

ATH. bóklegi hluti námskeiðsins hefst 11. janúar á netinu og verklegi hlutinn er 13.-16.apríl í Öræfum/Skaftafelli.

Starts

11. Jan 2027

Type

On site / remote

Price

175,000 kr.

Share

Send message

Copy URL