Sveitarfélagið Árborg

Sveitarfélagið Árborg er fjölmennasta sveitarfélagið á Suðurlandi. Það varð til við sameiningu Eyrarbakkahrepps, Sandvíkurhrepps, Selfossbæjar og Stokkseyrarhrepps. Sveitarfélagið hefur vaxið ört síðastliðin ár og telur nú tæplega 12.000 íbúa. Þar er miðstöð þjónustu á Suðurlandi, góðir skólar ásamt öflugu íþrótta-, félags- og menningarlífi. Starfsmenn sveitarfélagsins eru um 1000 og lögð er áhersla á að skapa starfsumhverfi sem stuðlar að vellíðan og árangri, þar sem starfað er af fagmennsku og góðum ásetningi með hag sveitarfélagsins að leiðarljósi.

Vinnustaðurinn

Verkstjóri þjónustumiðstöðvar

Sveitarfélagið Árborg leitar að metnaðarfullum eintaklingi í starf verkstjóra þjónustumiðstöðvar. Starfsstöðin er til húsa að Austurvegi 67.

Þjónustumiðstöð gegnir lykilhlutverki í þjónustu sveitarfélagsins til íbúa og viðskiptavina. Þjónustumiðstöðin sér um allan daglegan rekstur og umhirðu í sveitarfélaginu. Um er að ræða fjölbreytt og krefjandi stjórnunarstarf í síbreytilegu umhverfi.

Í Sveitarfélaginu Árborg búa tæplega 12.000 íbúar og starfa um 1000 manns hjá sveitarfélaginu. Lögð er áhersla á að skapa starfsumhverfi sem stuðlar að vellíðan og árangri þar sem starfað er af fagmennsku og góðum ásetningi með hag sveitarfélagsins að leiðarljósi.

Helstu verkefni og ábyrgð

Verkstjóri annast daglegan rekstur þjónustumiðstöðvar í samráði við deildarstjóra
Stýrir verkum starfsmanna þjónustumiðstöðvar
Starfssvið er m.a. við gatnaviðhald, snjómokstur, þjónustu við stofnanir, hreinsun bæjarlands og samskipti við íbúa.
Samhæfir verkefni með öðrum deildum

Menntunar- og hæfniskröfur

Iðnmenntun eða önnur menntun sem nýtist í starfi
Reynsla eða menntun í stjórnun er æskileg
Góða þjónustulund og hæfni í mannlegum samskiptum
Góða hæfni í íslensku og ensku
Sjálfstæð vinnubrögð, frumkvæði og skipulagshæfni
Góð tölvukunnátta

Umsóknum fylgi leyfisbréf, yfirlit yfir nám og fyrri störf ásamt greinargóðum rökstuðningi fyrir hæfni í starfið. Umsóknum er skilað á Alfred.is. Mat á hæfni umsækjenda byggist á innsendum gögnum og viðtölum við umsækjendur. Öllum umsóknum verður svarað þegar ákvörðun um ráðningu liggur fyrir.

Laun eru samkvæmt kjarasamningi Sambands íslenskra sveitarfélaga og viðkomandi stéttarfélags. Vakin er athygli á stefnu Sveitarfélagsins Árborgar að jafna hlut kynjanna í störfum hjá sveitarfélaginu og að vinnustaðir endurspegli fjölbreytileika samfélagsins.

Frekari upplýsingar um starfið veitir Ágúst Þór Bragason í síma 480 1500 eða netfang agustthb@arborg.is . Umsóknarfrestur er til og með 21.maí 2024. Sótt er um starfið á www.alfred.is

Auglýsing stofnuð3. maí 2024

Umsóknarfrestur23. maí 2024

Tungumálakunnátta