Lögfræðingur á svið eftirlits og gæða heilbrigðisþjónustu
Embætti landlæknis óskar eftir að ráða lögfræðing í fullt starf á svið eftirlits og gæða heilbrigðisþjónustu.
Helstu hlutverk sviðsins eru eftirlit með heilbrigðisstofnunum og heilbrigðisstarfsmönnum; gæðaþróun í heilbrigðisþjónustu; rannsókn kvartana vegna heilbrigðisþjónustu og rannsókn alvarlegra óvæntra atvika í heilbrigðisþjónustu.
Í boði er áhugavert og krefjandi starf þar sem reynir á trausta lögfræðilega þekkingu, sjálfstæði og öguð vinnubrögð. Leitað er að áhugasömum og sveigjanlegum einstaklingi sem hefur frumkvæði og metnað til að ná árangri í starfi. Næsti yfirmaður er sviðsstjóri eftirlits og gæða heilbrigðisþjónustu.
-
Utanumhald og almenn umsýsla kvartana vegna heilbrigðisþjónustu.
-
Stjórnsýslu- og lögfræðilegt utanumhald og ábyrgð á málum sem heyra undir sviðið með áherslu á kvartanir vegna heilbrigðisþjónustu.
Önnur verkefni:
-
Ritun stjórnsýsluákvarðana.
-
Lögfræðileg ráðgjöf innan sviðsins og embættisins.
-
Þátttaka í gæða- og umbótavinnu sviðsins.
-
Þátttaka í stefnumótunarvinnu embættisins og ritun umsagna um t.d. lagafrumvörp.
-
Samskipti við íslensk stjórnvöld og stofnanir.
-
Önnur verkefni að beiðni landlæknis og sviðsstjóra.
-
Embættis- eða meistarapróf í lögfræði.
-
Þekking og reynsla innan heilbrigðisþjónustunnar er æskileg.
-
Frekara nám sem nýtist í starfi er kostur.
-
Mjög góð þekking á stjórnsýslurétti.
-
Að minnsta kosti eins árs reynsla af lögfræðistörfum eftir embættis- eða meistarapróf, lögfræðireynsla innan stjórnsýslunnar er kostur.
-
Reynsla af ritun stjórnsýsluákvarðana í eftirlits-, kvartana- og kærumálum eða hliðstæðum málum er kostur.
-
Mjög gott vald á talaðri og ritaðri íslensku.
-
Gott vald á talaðri og ritaðri ensku.
-
Vönduð og áreiðanleg vinnubrögð.
-
Hæfni og lipurð í samskiptum.
-
Frumkvæði, metnaður, skipulagshæfni, öguð og sjálfstæð vinnubrögð.