alfred.is

Ég spyr… “hvað kostar hálfur líter af blávatni?”┬á┬á┬á Ástæðan er að ég þurfti að kíkja í Essó í Fossvoginum áðan og ákvað að fá mér eitthvað að drekka.

Í rekkanum var til sölu 1/2 líter af kók fyrir 190 krónur og rauður kristall plús á 219 krónur.

Nú spyr ég… hvaðan er verðlagningin á þessu ættuð?┬á┬á Skítt og lago með hvað er heimskulegt að kaupa vatn á flösku þegar þetta er frítt í krananum, en mér er gersamlega óskiljanlegt hvernig að tappa blávatni á flösku, bæta við smá kolsýru og vítamínum getur hækkað verðið úr 0 krónum í 219 krónur.

Við getum líka gefið okkur að Ölgerðin og Vífilfell þurfi að borga meira fyrir vatnið en við hin þar sem um fyrirtæki er að ræða og þau þurfa að greiða vatnsgjald og hugsanlega má finna einhvern viðbótarkostnað eins og flöskur (já innfluttar) og dreifingu.

En hvernig er hægt að VOGA sér að rukka 219 krónur fyrir hálfa líterinn?

Í landinu er kreppa, verið er að reyna að halda innflutningi í lágmarki og spara gjaldeyri.┬á┬á┬á Verið er að reyna að halda uppi atvinnustigi í landinu og verður að gefa mönnum hrós fyrir að nýta innlendar auðlindir til framleiðslu og sölu.

En ef menn ætla að vera svo ógeðslega gráðugir að markaðssetja sig út af kortinu með verðlagningu á næstum eingöngu innlendu hráefni, þá held ég að sum fyrirtæki ættu bara að┬á hætta STRAX.

Að selja hálfan líter af blávatni á hærra verði en bensínlíter sem búið er að pumpa upp úr jörðinni hinum megin á hnettinum og flytja í hreinsunarstöðvar annarsstaðar á hnettinum og loks í geyma á Íslandi er hreint út sagt ÓGEÐFELLT.

Sennilega væri nær að selja þetta á 55 kall, og hægt að hafa hagnað af því engu að síður…┬á┬á┬á Hvernig er það ætla Vífilfell og Ölgerðin að halda áfram að okra á þessu, eða er kominn tími til að lækka verðið á þessu í eitthvað eðlilegt horf?

Amk er ég hættur að kaupa vatn á flöskum þar til verðlagningin á þessu verður heilbrigðari!

Mbl.is – Frétt – Íhuga að kæra lögregluna

Mikið finnst mér dapurlegt að horfa upp á þessi mótmæli vörubílstjóra. Þetta byrjaði ágætlega hjá þeim og sem eigandi bensínháks þá hafði ég samúð með málstað þeirra og reyndar framkvæmd hans að nokkru leyti.

Eftir slagsmálin í fyrradag og aftur í gær, þykir mér farið að syrta í álinn fyrir þessum herramönnum. Ekki er nóg með að lögreglan hafi “tilkynnt” það sérstaklega að ef bílarnir yrðu ekki færðir þá yrðu þeir haldlagðir, heldur eftir að tímafrestur rann út, óðu menn í lögguna eins og hún væri eins og hvert annað knattspyrnulið.

Auðvitað eiga menn að sætta sig við að mótmælin breyttust í lögregluaðgerð. Nú svo að gefa hettumáfinum á kjammann þegar menn voru að sækja bílana sína fannst mér síðasta sort, tala nú ekki um fyrst að viðkomandi átti ekki einu sinni bíl á staðnum.

Vörubílstjórar hljóta að hafa gert sér grein fyrir því að þeir gætu ekki bara flutt bílana þegar þeim sýndist eftir að lögreglan var búin að tilkynna haldlagningu. Framkoma þeirra eftir að tíminn rann út var ekkert annað en árás á lögregluna og auðvitað svöruðu þeir með hörku. Héldu þeir að Jón Geir gæfi þeim endalaust í nefið og klappaði þeim bara á bakið?

Segi bara: Skammist ykkar fyrir að glutra þeirri samúð sem þið voruð búnir að afla ykkar….. þetta var ekki ykkur til framdráttar.

Þær hafa verið vinsælar, samsæriskenningarnar í kringum 9.11 atburðinn í New York. Endalausar umræður, lygaþvæla og þvættingur hefur verið birt og sjálfskipaðir sérfræðingar í öllu mögulegu sem viðkemur flugvélum, byggingarverkfræði og eldsvoðum hafa komið fram á sjónarsviðið (hver man ekki eftir Gúmmívinnustofubrunanum á höfðanum hér um árið þegar allir voru orðnir sérfræðingar í eldsvoðum í sjónvarpinu).

Vinsælustu viðfangsefnin eru að flugvélaeldsneyti geti ekki brætt stál og því hljóti turnarnir að hafa verið sprengdir niður með thermite, af hverju hrundi WTC7 sem ekkert varð fyrir árásunum osfrv.

Í bloggi Þryms Sveinssonar á mbl.is í kjölfar yfirlýsinga einhvers klerksins væru Sameinuðu Þjóðirnar nú orðnir óvinir íslam, af því tilefni vísaði einn bloggarinn á eftirfarandi grein.

http://www.popularmechanics.com/technology/military_law/1227842.html?page=9

Þarna eru tilgáturnar teknar fyrir ein af annari og gefin á þeim rökréttari skýringar, segi rökréttari því þær hljóma amk betur í mín eyru en fyrirhöfnin sem hafa hefði þurft fyrir því að framkvæma þennan verknað af einni ríkisstjórn. Yfirhylmingin sjálf hefði þurft að vera svo stórkostleg að það jaðrar við ævintýri.

Minni bara á hið fornkveðna. Yfirleitt er einfaldasta skýringin sú sennilegasta.

Hef stundum heyrt fólk vera að hafa áhyggjur af því, hver lesi bloggið þeirra. Fólk sem bloggar er auðvitað að deila skoðunum sínum og jafnvel tilfinningum með öllum í heiminum, eða amk þeim sem hafa aðgang að tölvu.

Sumir læsa blogginu sínu af þessari ástæðu, en aðrir bera þennan kvíðboga í hljóði, eða láta sig litlu skipta hvort einhver lesi um daglegt líf þeirra.

Rakst á eftirfarandi myndband inni á Eyjunni í dag. Þarna er einhver snillingurinn búin að skrifa tilfinningavöruhús ofan á blogfærslur í heiminum. Þar er m.a. hægt að sjá hvaða tilfinningar eru ráðandi í bloggskrifum internetnotenda og reynt er jafnvel að ráða í veðrið hjá viðkomandi þegar færslan er skrifuð.

Mæli með því að menn kíki á þetta, dálítið langt en bráðskemmtilegt