Listasafn Akureyrar: Húsvörður
Listasafnið á Akureyri óskar eftir að ráða í starf húsvarðar frá og með 1. ágúst 2024 eða eftir samkomulagi. Um er að ræða ótímabundið 100% starf, unnið í dagvinnu á virkum dögum en einstaka sinnum er unnið um helgi eða að kvöldi. Á Listasafninu er 36 stunda vinnuvika.
Listasafnið sér um safneign listaverka Akureyrarbæjar, hefur umsjón með uppsetningum sýninga og fjölbreyttum viðburðum, fyrirlestrum, tónleikum, leiðsögnum og sinnir fræðslu fyrir skólahópa og safngesti.
Pssst….kynntu þér alla spennandi hlutina sem eru í gangi hjá okkur á www.listak.is
Starfið felur í sér hefðbundin verkefni húsvarðar ásamt smíðavinnu og verkefnum sem tengjast uppsetningu/niðurtöku sýninga sem og hönnun kynningarefnis.
Húsvörður vinnur náið með listamönnum, verkefnastjóra sýninga, kynningarstjóra og safnstjóra við skipulagningu á verkefnum.
- Sveinspróf í húsasmíði eða sambærileg menntun.
- Viðbótarnám í grafískri hönnun æskilegt.
- Reynsla af smíðum, viðhaldi og minniháttar viðgerðum.
- Góð tölvufærni.
- Þekking á helsta tæknibúnaði tengdum sýningarhaldi.
- Reynsla af meðförum og stillingu einfaldari hljóðkerfa, tölvu og skjávarpa æskileg.
- Skipulagsfærni, snyrtimennska og þjónustulund.
- Sjálfstæði og frumkvæði í vinnubrögðum.
- Gerð er krafa um vammleysi, s.s. að vera með gott orðspor og að hegðun innan sem utan vinnustaðar samrýmist starfinu.